karjal.fi: Heikki lähtöy Karjalan raudutiele

Heikki lähtöy Karjalan raudutiele 
Suomen pruazniekkuvuodeh liittyjen Tapani Laaksomies, höyrylokomotiivuyrittäi Nurmeksespäi, duumaiččou ajua muzeijunal vahnua Karjalan raudutiedy, kudamua myöte piäzöy daže Piiteris Ouluh suate. Petroskoil on kohtavuttu hankeheh myödäzeh da junamatku voibi todevuo kezäaigah vuvvennu 2018.
Tapani Laaksomies kerdou, ku häi on paissuh matkas Karjalan rahvahallizen muzien johtajanke. Häi on kiinnitännyh mieldy hankeheh da pidänyh sidä duumaičendan arvozennu. Sežo Karjalan liiton mieles pluanu on hyvä da piättäy omas yhtymizes hankeheh. Karjalan raudutie on Laaksomiehen mugah hyväs kunnos i muga ollah erähät vahnat suomelazet azemurakenduksetgi.
Heikki-lokomotiivu da vagonat puučomenduksienke edustetah mennyön aijan Karjalan raudutieliikendehty. Ruvetanneh vie suomelaine da ven’alaine lokomotiivu yhtes ruadamah raudutiel, suau Karjal uvven matkailukohtan, kudai kiinnittäy kogo muailman mieldu, sanou Laaksomies.
Tarkoitus on, ku juna azettuu kaikil mahtollizil azetuksil da on yödy Viiburis i ainosgi Sordavalas, lokomotiivan vahnas kodidepos.

Kommentit

Suositut tekstit