Joukko anukselazii koittajii Jovensuus (Karjal.fi)

"Anukselazien joukko tuttavui kaksikielizeh markinoičendah Joensuus

Syvyskuun allus joukko anukselazii yrittäjii da toizii ruadajii tuttavuttih kaksikielizeh markinoičendah Joensuus. Matku liittyi karjalan kielen kehittämisprojektah, kudamas huavatah suaha karjalan kieli argikäyttöh, sežo biznessuelokses. Hyö jalgevuttih kohtih, kudamis käytetäh ei vaiku yhty kieldy markinoičendas da opastuslavvois. Löydyi heile laukois ven'ankielen maltajii ruadajii sanelemah monikielizen markinoičendan merkičykses. Tuttavuttih anukselazet vie karjalan kielen opastundah yliopistol da toizih kohtih Joensuus. Kodimatkal hyö joukol paistih sih näh, kui vagavazeh Suomes opitah karjalan kieldy nostua, da suadih uskuo sih, ku karjalan kieli on heijän oma sežo biznessuelokses.

Projektan vuoh Anukses on ruvettu panemah yričyksien nimi- da opastuslaudoih karjalankieliziigi tekstoi. Talvel 2015 Anukses piettih kyzely rahvahale, kyzyttih rahvastu arvioija karjalan kielen tärgevytty sežo biznessueloksen kielenny. Tuloksennu oli, ku enämbi 70 procentua vastuajis pidi tärgienny sežo karjalan kieldy biznessueloksen kielenny. Tulos on merkittävy sendäh, ku vuitti ylittäy selgiesti karjalazen rahvahan vuitin Anuksen eläjis. Käyttäjen karjalan kieldy voibi alovehen eläjile viestittiä, ku pagin on oman alovehen yričystoiminnas da sit suavut dengat jiähäh omah linnah. Karjalan kielen nägyvys pihoil sežo lujendau rahvahan identitiettua.

Turizman kannal karjalan kielel on markinoičendas da opastuslavvois sežo tärgei merkičys. Ven'ankielizii tekstoi maltamattomile suomelazile Anukses matkuajile karjalankielizet tekstat ollah ven'ankielizii ellendettävembiä, ga karjalankielizet tekstat (suomenkielizien sijah) ozutettas, ku anukselazet rahvas pietäh čestis omua kieldy, omii juurii.

Karjalan kieli argikäyttöh -projektas on keral Anukses ruadai alovehelline kehittämisorganizacii INTRA-fondu, kudai on yhtesruavos Pohjanmaa-Karjala ry:n kel.
Palazii joukon matkas voitto kaččuo KKS:n Youtube-kanualalpäi."

- Karjal.fi


Ei kommentteja:

Lähetä kommentti

SCP-113 trap

  SCP-113 https://scp-wiki.wikidot.com/scp-113 in this comic, I tried comic page layout of belgian comic magazine