Karjal.fi: Toni Timozen pseudomangakerdomuksis paistah karjalakse

Toni Timozen pseudomangakerdomuksis paistah karjalakse

Bomban talois olijan Soloban laukan yhtevykses on nenga kolmen nedälin aijan nurmekselazen Toni Timozen taidehozuttelu. Se kerävyy vahnois tevoksis, kudamat ollah sevoiteh uuttu da vahnua.

Timone on ičekseh opastunnuh sarjukomisksutaidoilii, kudaman luadu on pseudomanga. Se tarkoittau sidä, ku manga on luajittu muijal kui Japounies. Mangahäi on tietynlaine japounielazes sarjukomiksas kehitynnyh resunkuluadu.

Toni Timozen sarjukomiksoin kieli on karjal, da taidoilii oppiu, ku nenga olis jatkosgi, hos samanaigazeh karjalankielizen sarjukomiksanke jullatah suomenkieline. Tämän lizäkse säilytäh sarjukomiksoin rubriekat i algukuvat karjalankielizynny suomekse libo muuloikse kielekse kiännettäjes. Karjalankieli on taidoilijale tärgei. Buabo on karjalaine, da sendäh bunukkugi tahtoi opastuo karjalua. Enzimäi häi tutki Raja-Karjalan murrehviettelijöi da meni sit kielikursale Nurmekses. Timone on kiinnitännyh mieldy sežo karjalzih rakenduksih, tekstiil’oih, perindehsyömizih i karelianizmah. Frantsien, Korein da Japounien sarjukomiksut da dizainu kiinnitetäh myös hänen mieldy. Nämmät mielenkiinnonkohtat tullah ilmi Timozen ruadolois.

Sarjukomiksoin kiändämine andau ruaduo taidoilijale kaiken aigua. Kiännettävänny on nygöi Outi Mentulan ruadoloi, kudamii suau sit lugie internetas ilmai. Yksi nämmis sarjukomiksois on Kuavos Päivöläs (Kaaos Päivölässä). Se on variantu Pohjolan / Päivölän pruazniekku – mifas, da sit on vivahtehii kitailazeh Sun Wukong – starinah. Toni Timone on kiändänyh karjalakse sežo Rami Jaakkolan Their Magical Bard – sarjukomiksoi.

Ei kommentteja:

Lähetä kommentti

SCP-113 trap

  SCP-113 https://scp-wiki.wikidot.com/scp-113 in this comic, I tried comic page layout of belgian comic magazine